Улаанбаатар хотын Төв цэвэрлэх байгууламжийг шинэчлэхтэй холбоотой асуудлаар Байгаль орчин, ногоон хөгжил аялал жуулчлалын сайд Н.Батцэрэг холбогдох албаны хүмүүстэй уулзжээ.
Цэвэрлэх байгууламжийг шинэчлэх, шинээр барих ажлын ТЭЗҮ-г Францын “Артелла”, Монголын “Престиж инженеринг” компани хийж байгаа аж. Тус байгууламжийг шинэчлэх, шинээр барих ажлын ТЭЗҮ-ийг энэ оны арваннэгдүгээр сар гэхэд бэлэн болгож Засгийн газарт танилцуулах үүргийг захиалагч болон гүйцэтгэгчид өглөө.
Шаардлагатай хөрөнгө оруулалтыг Засгийн газар, УИХ-д оруулж шийдвэрлэхэд Барилга хот байгуулалтын яам, БОНХАЖ-ын яам, нийслэлийн удирдлагууд онцгой анхаарч, ажиллахаар болсон байна.